شعر (قسم بالله مو ناقصني الا تجيني في الصلوات)

[size=25]/ مساء الخير ..,

أبيات تحمل من الحزن الكثير ومن الأبداع أكثر ..,

قصيده أعجبتني وحبيت تشاركوني فيهاا ..,

للشاعر الأماراتي المبدع / ربيع القلب ..,

للأستماع ..,

http://www.up-00.com/dldyUX76924.rm.html

أبد ما كنت أظن في يوم شعري في عيوني يشين

ولا كنت أنتظر لو لحظه فيها تخونني الأبيات

تبين عقب ما صغت الحروف في حبي لج كل حين

أصيغ "فـ " عرسج بغيري قصايد يالغلا وزفات

أبعرف أنتي وش قصدج دخيلج أنتي وش تبغين

أبعرف بين هالشعراء لي يعني انا بالذات

لجل تجدد جروحي لجل أررجع ورى السنين

أبي يطمن قليبج ترى جرحج ابد مامات

غرامج آه منه ما تركني بسبته تطرين

كأنه حالف يسهرني وهو في جروحي يبات

تبين الصدق أنتي من كثر ما في خيالي تجين

أحس بكل ما حوالي يرجع كل ماهو فات

إذا أنه حد ناداني كأنج انتي تنادين

وإذا أنه حد زعلني طريت في أيامج الزلات

وإذا هل القمر شفتج وكنج بليلج تهلين

يذكرني سكونه يوم ألومج والردود سكات

صراحه كل شي خلاج ويا طيفج تمرين

قصايد .. أمكنه .. نكته .. مسلسل..أغنيه ..شلات

وانا وشبيدي غير إني أقول بقلبي الله يعين

قسم بالله مو ناقصني إلا تجيني في الصلوات

انا حاولت أسوي كل ما يمكن لجل ترضين

بغيت أتقرب لقلبج حبيبي مره ومرات

والمعروف أن الشخص لو سلم يمد يمين

أنا لو قلت أسلم باليسار بقلبي العادات

أجي مني أجي مناك ما أدري أجي من وين

إذا أنها في الخريطه أربع وياج عشر جهات

دلع بكثر ما ادلع حسبتج بنت ست سنين

غزل من كثر ما أتغزل مخلص معجم الكلمات

رومانسيه بها مذوب حجر وأنتي ولا تذوبين

حتى قمت أحس إني غلبته قيس أنا فأوقات

مزعل ناس من عقبج ماهي وحده ولا ثنتين

أنا ياللي مزعلهن عشانج والله بالميات

انا مقصد انقص في قدر ياللي له تميلين

ولكن ودي أعرف وش من أفعاله عليّ فات

وانا اللي قلت من قدّي طلعت بقصة المسكين

بكل اللي يصير أنا معذب فأحسن الحالات

حسبت أقدر على موجج إذا أنج بالهوا تهيجين

نعم مو كل من غاص البحر يرجع معه دانات

تبيني بعدها أكتب قصيده فيها تنزفين

أقول إلا تبيني بس أسطر في رثاي أبيات[/size]
(تحيـــــــــــــــــاتي
(الحلا كله
لاتحرموني من ردودكم

روووووووووووعه تسلمي

يسلمووووووو يالحلااا كله على هالكلااام الجميل والرائع
أشكرك على جهوودك بالمنتدى,,, Like a Star @ heaven

يسلموووووووووووووووووو مره حلوه

يسلموو على المرور العطر