اتعلمو اللغه الانجليزيه معى اسهل واطرف >>>> فتاة الشوق

كيف حالكم

ازعجونا في اللغه وهي سهله بس المشكله في المعلم, فقع روسنا بالقواعد والفاعل والمنصوب والناصب والحرامي

لكن انا جيتكم وبعلمكم بدون وجع راس يالله نبدأ:

افرض واحد ضربك على مصبعك بقوه وش بتقول : اي اي اي ,,,,, لاتسوي نفسك ذكي وتقول اح ,,لأن الضربه قويه لازم اي اي اي ,,,,
i = معنها = انا

هل تحب جبنة بوك= لاحظ بوك بس نوع فاخر +بوك= book = كتاب
هل تحب الكت كات= لاحظ كات بس نوع بناتي فاخر+كات=cat =قط >>>
هل تحب شاي= لاحظ شاي = shy = خجول <<<<<< يعني تقدار تقول : i'm shy <<<<<<<<< انا خجول

وانتي واقفه تطالعين المرايه ,,,, فار مر ,,, تحت رجولك ماذا يحدث,,,, بتصير مشاكل كبيره ,,, ليش كذا ؟
الجواب: فار مر
فار مر ,,,, معنها مزارع ,,,,, ككك; farmer <<<< مزارع

من مايعرف الرئيس ( بوش ) بوش -بوش = push = يدفع _يعني = يدف = وتلاحضونها على الأبواب

يعني تقدار تقول= ادفع الباب او دف الباب = push the door = بوش ذا دور

كلمه ثانيه:
واحد يقولك: كيل تفاح تصير قوي_ كيل برتقال _كيل موز

لاحظ ( كيل ) كيل -كيل = تعني = يقتل او اقتل = kill مثال = اقتلني = كيل مي = kill meاو= اقتله = كيل هيم= kill him

كلمه ثانيه:

واحد يطق الباب وش تقوله: اكيد تقول ( مين) مين مين مين
mean = مين = تعني = معنى = او قصد = كأنك تسئل وش معنى كلامك او وش قصدك
مثال: تسئل واحد وش قصدك ؟ what do you mean = وات دو يو مين
كلمه ثانيه:

تسمعون البزر يقول الى امه : ماما يالله قوه البيت = قوه قوه =
go = قوه = قوه
يالله نروح= let us go = ليتس قوه


كف= معنها = كحه . كف = cough تقدار تقول= i have cough = اي هاف كف = انا عندي كحه او سعال

مذر كير = من مافيه من البنات مايعرف مذر كير = طبعا نوضحها للشباب = هذي ماركه تهتم بملابس الأطفال او اسم

محلات تهتم بملابس الأطفال تشفونها دائما بلأسواق ( دعايه مجانيه ) يالله بسيطه ,المهم

مذر كير= عباره عن كلمتين دائما النساء ينطقونها ومايدرون انهم يتحدثون الأنجليزيه بطلاقه , نقسم الكلمتين

مذر = ام +ماما +امي= الي تبون تسمونها= مثال / هذه امي = this is my mother = ذس از ماي مذر

كير= عنايه= او اهتمام او يهتم او يحرص= care = كير = مثال/ انا اهتم فيك = i care about you = اي كير اباوت يو

انا اهتم = i care = اي كير

باوار هورس = مشروب الطاقه المعروف موجود في السوبرماركت = لو تلاحظون عليه رسمة حصان

هورس = حصان = horse باوار= قوه =power

ركزوا معي في تركيب الجمله = انا عندي حصان = i have horse =

لاحظوا = i have = متكرره , i have = انا عندي
يعني حطها في بداية الجمله وحط اي شي عندك = مثال / سياره + كتاب + اي شي = i have a car = انا عندي سياره

الرئيس الأمريكي السابق ( بيل كلينتون )

بيل + bill = فاتورة = يعني وانت في المطعم تبي الفاتوره تقول= عطني الفاتوره = give me the bill = قيف مي ذا بيل
او تقول = بيل بليز = فاتوره لو سمحت = اهم شي تدبر عمرك

بلوتوث = واواواواو
bluetooth = معروفه مايبي لها طقة عصاة , بس اللي كثيرين مايعرفونه انه وش معنها ؟
بلوتوث تعني = الناب الأزرق = او لو حبيتوا نقول الضرس الأزرق ماشي,
بلو= blue = ازرق
توث= tooth =الناب او الضرس

هذا الحرف وشلون تنطقونه ( T ) = تي صح = تي ,تي , تي= معنها = شاهي = t ea = تي

فار= far = معنها = بعيد = تقدار تقول = انت بعيد مره = u are so far = يو ار سو ( فار) = so = تعني جدا ,مثل very
يعني تقدار تقول= u are very far =يو ار فيري فار = على كيفكم

ني = اللحم ني او الدجاج مو مستوي ني
ني= knee = معنها = ركبه

بس ماعليكم من حرف الكاف في بداية الكلمه ماينطق =k nee = تنطق = ني


موضوع اعجبني ونقلته لكم


فيه نوع من الطراااااافه

وحبيت تشاركوني

يسلموووووووووووووو ويعطيك الف عافية على الموضوع الجميل والمفيد

ههههه يهطيك العاافيه أختي فتاة الشوق على التعليم الرئع
لو كان التعليم كذا كان لقيتينا نتكلم أنقليزي بس كله من المدرسين الله يرجهم
وأنشالله نستفيد منك أكثر ...

انا اوافقك الرائى انه كله من المدرسين اللى عقدونا وجننونا لازم قاعدات وحوووووووسه بس يلا الله يوفقنا ويوفق الجميع ويسلمووووووووووو على المرور الحلوووووووو